الدايت و التنمية الذاتية ✪للناس العادية✪ |✯بالفيديو | DAfnasha.com ➤ دفنشَة.كوم
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp

المقال الشامِل (بالمصري): خُرافــات حول الــ “بــَطن” -_-

في هذا المقال نخصص وقتاً لتحطيم الأصنام الدماغية الشائعة و المُعرقلة في طريقك للحصول على بطن مفرودة. الموضوع ابسط مما تتخيل, فلا تعرقل نفسك!

كُل واحِد عايز يبدأ دايت و يخِس شكواه الأساسية بتكون منطقة الـ “بَــطن“. و كتير بيبدأوا الدايت بتوقعٌات و آمال غير واقعٌية على إنٌ المنطقة دي هو أول حاجة هتختفي بعد اسبوعين تلاتة من الدايت. لكن الحقيقة, الـ Process مُش بتبقى كِدة على أرض الواقـِع -_- !

 – – – – – – – – – – – – – – – – – – – – – – – – – – – – – – – – – – – – – –

أولاً .. ظَـبٌــــَط توقٌــُعاتــَك !

طبعاً , لكن اللي لازم تعرفه إنٌ الجسم مُش بيخِس من منطقة واحدة على طول و Direct ! .. و لكن لو نظرت لـ 1/2 كيلو الدهون بيبقى حجمه عامل إزٌاي (هتلاقيه مُش قليل وفعلاً يملأ اليـدٌ!) و لكن لأنٌه بسم الله ماشاء الله بيكون متوزٌع على الجسم كتير منه -.- .. أنا, انت (و انتي برضه ^^!) هنحتاج نخِسٌ انصاص منه عشان تشوف نتايج مرئية بالعين المُجرٌدة 0_0.

شكل نُص كيلو دهون شكل نُص كيلو دهون stillmad4_edited

وعلى الرُغم من إنٌ كُل جسم يختلف عن التاني في الدهون هتبدأ تتحرق منين و فين من على جسمك لمٌا تقلل الكالوريز بتاعتك و تبدأ دايت (مثلاً فين ناس بتخس من منطقة الوجه بدري و ناس تانية لأ و هكذا), إلا إنٌه الشائع بالنسبة للكثير و العامة هو إنٌ البطن و الوِسط بشكل عام (المنطقة الأمامية و الخلفية معاً) آخر المناطق اللي بتنزل بعد ما الجسم بيكون حَرَق و سَحَب شوٌية من مناطق أُخرى من الجسم. عشان كدة قلنا قبل كدة في مقال (دَرس في الـ Body-fat !) إنٌك تِفرح لمٌا وسطك ينزل نمرة أو نمرتين أو أياً كان عدد النِمر اللي ينزلها, لأنٌه في الغالِب الوِسط بياخُد وقت عشان تلاحِظ إنٌه بدأ ينزِل و مُش بينزل إلا لمٌا يكون الجسم Already! سَحَب و حَـرَق دهون من مُختلف أنحاء الجسم, بعدها تلاقي منطقة الوِسط (من ورا + من قُدٌام) نِزلت نُص نمرة أو نمرة و هكذا 😉

لو بعد فترة على الدايت وِسطك نِـزِل .. إعرف إنٌك عامِل كوٌيـــس على الدايت بتاعك !

علشان كِدة, لو عايز تحرق دهون و تشوف مع مرور الأسابيع انت عامِل إيه على الدايت بتاعك, خلٌي كُل تركيزك على إنٌك تنزٌل وِسَطك!, مُش منطقة مُعينٌة بعينها! لأنٌ حَرق الدهون في الجسم مُش بيشتغل بالطريقة دي وهتبقى بتُحبِط نفسك على الفاضي وانت فعلاً ممكنو تكون بتُحرِز تقدٌم و Progress لكن انت مركٌـِز بعينك على المناطق اللي لسٌة جاية في الطريق بس الجسم لسٌة ملمَسهاش!.

” انت كوٌيــــس -__- … انت جميــــل -_- “

وإعرف إنٌه آخر منطقة زادت عندك في جسمك, هي أول منطقة هتبدأ تقِل في الغالب أول ما تبدأ دايت. يعني الـ Effect و التأثير بتاع الدايت (تقليل الكالوريز) بيكون عَكسي! … آخر منطقة تزيد, هى أول منطقة تبدأ بالنقصان أول ما تبدأ دايت لأنٌ دي آخر منطقة اتخزٌنت فيها آخر كالوريز زيادة لمٌا كنت مزٌود أكلك.

.. فَركَـشـَة خُـرافـــات البَطن ^-^! ..

 الكِرش ماهو إلا نتيجة لعضلات بطن “ضعيفة”!

(: Bullsh!t

كُل الناس! -عِلمياً و تشريحياً!- وعلى حَدٍ سواء و بدون استثناء فِعلاً عندهم عضلات بطن! … لو مكنش عندك عضلات بطن كان زمانك بتقع لقُدٌام و لوَرَا زي الورقة! عضلات البطن هي مركز ثبات الجسم و بمثابة الجذع اللي بيرسٌـَخ الجسم بالظبط زي جذع الشجرة اللي بيثبتٌها في الأرض.

الخُــرافــة: الغلطة اللي كتير جداً بيعملوها (وحتٌى كتير من دكاترة الدايت بينصحوا بيها والقليل النادر منهم اللي عنده دراية بالتمرين) إنٌهم بيعملوا تمرينات بطن وهُمٌا أصلاً عندهم طبقات سميكة من الدهون متواجدة حالياً على بطنهم, أو عندهم كِرش بحِجة أو إعتقاد إنٌ تمرينات البطن اللي هتجيبلك عضلات البطن أو تحرق الدهون اللي عليها (خُرافة الـ Spot Reduction اللي هنتكلٌم عنها في آخر المقال) وكتير جداً من الناس بيَظنٌوا إن عضلات البطن نتيجة أداء تمارين الدُنيا كلٌها المُختصٌة بعضلات والبطن, وإن الناس اللي عندهم عضلات بطن أكيد بيعملوا 1000 عدٌة بطن مثلاً و هُمٌا معندهمش عضلات بطن عشان مُش بيقدروا يعملوا 20 على بعض مثلاً -_- ! (لو كان الأمر كِدة, كان زمان كُل واحد عَمَل تمرينات بطن شاف عضلات بطنه).

الحقيــقة: المُشكلة هنا -وفي الموقف دة- إنٌ بتأديتك لتمارين البطن انت بتقٌوي فعلاً عضلات البطن من أسفل!, لكن هتفضل متغطٌية بطبقات سميكة من الدهون مُش هتتحرق إلا لمٌا تعمل دايت لفترة كافية. وبالتالي, لمٌا عضلات بطنك تقوى من خلال تأديتك لتمارين البطن انت كدة هــ”تـزوءٌ” الدهون المُتراكمة اللي عندك على البطن أو الكِرش لبرٌة أكتر! ودة ممكن يضايقك أكتر .. علشان كدة, لو عايز تلعب بطن! .. متلعبش بطن إلٌا لمٌا شوٌية عضلات بطن يبدأوا يظهرو عندك بعد تقضية فترة كافية على الدايت (لمٌا الدايت يبدأ يكشفلك عن 2-Pack أو 4-Pack من أجمال عضلات البطن السِتٌة).

كلٌنا Already عندنا عضلات بـَطن ! و إلا مكنش كُل الصور و الرسومات التشريحية الآدمية على مرٌ التاريخ اترسمت بعضلات بَطن! ولٌا إيـه -_- ؟

الكِـــرش ماهو إلا نتيجة لزيادة “الدهون” في الجسم واللي طبعاً بتتخزٌن نتيجة لـ تراكُم الكالوريز و السعرات الحرارية اللي الواحد بياكلها بشكل زائد و فائض عن احتياج الجسم في اليوم الواحد! ومع تكرار العملية دي لأيام و اسابيع و شهور دة اللي في النهاية بيعمل السمنة, الكرش, طبقات سميكة من الدهون, الترهُلات … إلـخ.

لو انت بطنك مش مفرودة, مش مشدودة, او مُش شايف عضلات بطنك دة بيبقى نتيجة تراكُم الدهون على الجسم و على البطن كَـكُل (الناتجة عن أكل كالوريز زيادة). انت فعلياً ممكن تخس و تحرق دهون من غير ما تلعب بطن أبداً, وأنا شخصياً و فعلياً قليل جداً لو عملت تمرينات بطن لأنٌها Already بتشتغل في مُعظم التمارين الأساسية (اللي بننصح في دَفنَشَة التركيز عليها) لو انت بتأدٌيها بتكنيك صحيح.

الدايت (يعني تقليل الكالوريز) هو اللي بيحرق الدهون و يصفٌي الجسم على مَرٌ الأسابيع ويمكن الشهور (على حسب القدر اللي انت محتاج تخِسٌه عشان تصفٌي جسمك و تبدأ تشوف تقسيمات جسمك) و الدايت! هو اللي بيورٌيك شكل جسمك الصافي بيبقى عامل إزٌاي لو إتعَمَل صح (يعني, مع التمرين بالأوزان!).

علشان كِدة, فيه مقولة مشهورة جداً في الخارج هستلفها! ..

Abs are Made in the Kitchen! عضلات البطن بتتعمل في المطبَخ!

يعني من الآخـــِر .. لمٌا تخِس و تحرق دهون كفاية من جسمك عن طريق الدايت, ساعتها هتشوف عضلات بطنك حتٌى من غير ماتكون مرٌنت بطنك بعدٌة واحدة من تمارين البطن, بس طبعاً عندك Option إنٌك تمرٌنها لو عايز تكبٌرها سيكة.

علشان تتخلص من الكِرش, اتعوٌد إنٌـك “تِشُفط بطنك لجٌوة” -_ – ؟!.

أكتر خُرافة بضحك عليها دلوقتي (LoL to the MaX! -__-) لمٌا بفتكر إنٌي كُنت بسمعها من زمان و من صُغري! خلٌينا بس نسأل نفسنا سؤال .. بالزٌمـــة! فيه واحد هيفضل عايش شافِط بطنه لجوٌة طول الوقت, طول ماهو قاعد, طول ماهو واقف أو نايم ؟ … دي نصيحة تخلٌي الواحد يموت “مَشفوط” o.O!

دي خُرافة تابعة لإعتقاد إن الكرش ماهو إلا نتيجة لعضلات بطن ضعيفة. علشان كِدة فيه ناس معتقدة إنٌ الواحد محتاج يقٌويها بتمارين أو أضعف الإيمان, شَفط البطن لجٌوة -_-! .. ولكن دة اسلوب رخيص لمواجهة الأمور! .. إعمِل دايت, شيل أوزان, سيب جسمك يحرق دهون من مُختلف أنحاء الجسم لفترة كافية و مُش هتحتاج بعد كدة تغطٌي أو تداري على منطقة معٌينة أو عيب مُعين في جسمك بإنٌك تشتري لبس مُعٌين أو تحاول تِشفُط بطنك طول ما انت قاعِد أو غيره من أساليب التخفٌي.

تحٌية لـ جوني بـرافو (Johnny Bravo) الشخصية الكارتونية الوحيدة على مَرٌ التاريخ اللي شافطة بطنها طول الوقت و في كُل حلقة -_- !

دة مُش كِرش, دة وزن “ميٌة” ~.

لو انت مسكت و جمٌعت اللحم اللي على بطنك و لقيت “إيدَك” مليانة ولو بـ “1” سم .. أو لو قرصٌت الجلد اللي على بطنك و سبته فجأة! ولقيت فيه حاجات -بالبلدي كِدة- “بتلعَب” .. يبقى دي “دهـــون” ومات الكلام! .. أمٌا بقى لو انت بتجمٌع اللحم على بطنك ولقيته زي الجلد اللي على “ضَهر” إيدَك أو الساعِد (الـ Wrist بتاعك) يبقى انت جسمك فعلاً ناشف, مفرود, أو صافي من الدهون بدرجة كبيرة.

ولكـن! .. إعرف إنٌه صحيح إنٌه الجسم بيختزن وزن ميٌة تحت الجلد في أوقــات! و ممكن دة ببساطة يحصل لو انت أكلت أكلة حادقة زيادة x_x أو فيها مَلح زائد عن الإعتيادي بتاعك اللي جسمك متعوٌد عليه! … و لكن -والأهمٌ من كِدة- إختزان وزن ميٌة تحت الجلد دة دة بيحصل دايماً في حالة زيادة معدُلات هرمون الـ كورتيزول (هرمون يُفرَز في الجسم نتيجة للتعرٌض لـ Stress أو لضغوط شديدة إمٌا جسدية من الرياضة, أو حتى أي ضغوط عصبية و نفسية) و إختزان وزن الميٌة الزائد دة بيحصل كتير مع أي حد بيعمل دايت لفترات طويلة بدون أخذ Break! أو حَد بيعمل دايت شديد القساوة (لو بتاكل كالوريز قليلة جداً) وبالذٌات لو انت اصلا نسبة دهونك قليلة (12% أو أقل) وبتحاول تقللها زيادة وبتعمل دايت زيادة عشان تدفنِش جسمك أكتر و أكتر علشان توصل مثلاً لنسبة دهون جسدية 10% أو أقل.

مع طول فترة الدايت, ومع الدايت القاسي .. هيحصل إختزان وزن ميٌة تحت الجلد! الشخص المهووس بوزن الميزان هيفتكِر إنٌه بيتخَن أو وزنه على طول ثابت على الميزان! ولكن الحقيقة دة وزن Fake و مؤقَـت نتيجة لإرتفاع مُعدٌلات الكورتيزول و الـ Stress على الجسم!

ولكن لو افترضنا إنٌ عندك تقسيمات أو عضلات بطن ظاهرة و حَصَل و زاد وزن المياه تحت الجلد لإرتفاع مُعدٌلات الكورتيزول من ضغط الدايت المطٌول أو الرياضة العنيفة (أو حتى الضغوط الشخصية النفسية الأُخرى), تقسيمات جسمك بشكل عام و عضلات بطنك مش هتروح حتٌى مع إختزان وزن مياه تحت الجلد, هتبقى برضه واضحة ولكن ممكن تحِس بإنتفاخ أو جِلدك اللي عليها (وعلى جـِسمك) بشكل عام بقى ناعم بدل ماهو ناشف أو ماسِك نفسه, ودة مؤقتا لِحَد ما الجسم يتخلٌص من وزن الميٌة المُختزن مؤقتاً نتيجة لتعرٌضه لـ Stress و إرتفاع هرمون الكورتيزول.

وللعِلم .. حتٌى قِلٌة النـوم ترفَع من مُعدٌلات الكورتيـزول!, والظاهرة دي هنناقشها في مقال قادم بتفاصيل أكثر لأن الكثير يجهلها و بتتسبب في إحباط الكثير و بتخلٌي كتير من اللي بيعملوا دايت يفتكروا إنٌهم “بيتخنوا” أو وزنهم ثابت لأسابيع على الدايا! ولكن العِلم الحديث فسٌر الظاهرة دي.

دي مُش دهون, دي بس “ترهٌلات” o_o!

بمنطق و قَـصد مُعظم الناس .. الترهٌلات هي هي “الدهـون” في قاموس الأغلبية, عشان منضحكش على نفسنا ^^! أنا هسيب الصور المُجمٌعة المٌرفقة للتوضيح, علشان الأمور دي صَعب تحديدها نظرياً -_- !

الصورة السابقة توضٌـِح وضَع كتير من الناس هيفتكروا فيه إنٌ دة جِلد زائد أو ما يسمٌونه “ترهٌـلات“! .. لكن في الحقيقة دة Body-fat! تحديداً الزوائد الدُهنية الأخيرة (أو مايُعرف بالـ Last few pounds) اللي لو الواحد عَمَل دايت صَح في المرحلة دي هيتخلٌص منها و جسمه هيبقى صافــي! و مَفرود تماماً .. بس كتير من الناس بيتوقٌفوا في المرحلة دي عن الدايت بَدري!, ظناً إنٌه خلاص دي نهاية “الرحلة” و إن الزوائد دي هتروح بممارسة الرياضة! أو بإستخدام أساليب طبٌية تجميلية (زي الحُقن), وكتير في الموقف دة هتسمَع تعبير زي “أنا خلاص وصلت للوزن اللي أنا عايزه, أنا بس عايز أتخلٌص من أو أشـِدٌ الترهٌلات دي”. والإجابة هنا -ومن تانـي ..

لأ ! دي مُش ترهٌلات ! .. دي دهون !! دة Body-fat !

يعني أيوة .. الواحِد هنا محتاج دايت تاني, محتاج دايت زيادة عشان يبقى صـافي! .. وإعمل حسابك, عشان توصل (أو توصلي) للجسم الصافي, كل واحد هيحتاج يخِس أكتر مما هو متوقٌع أو عامِل حسابه عليه! … لو فاكِر إن جسمك هيبقى صافي بعد خسٌية 5 كيلو, يبقى إعمل حسابك إنٌك تخلٌيهم على الأقل 7 أو 8 على سبيل المثال, وهكذا. و بالنسبة للأغلبية, علشان تشوف عضلات بطنك .. هتحتاج تنزٌل وِسطَك بالكتير لـ 32, و متستغربش لو نزلت لـ 30 و أواخِر العشرينات عشان تشوف عضلات بطنك كاملة!, لأن الوِسط بالظبط زي “القطنيـة”, عضلة مُش قابلة للتكبير أو التضخيم زي (الضَهر, الأكتاف, البنش و إلـخ).

.. بالنسبة للأغلبية و لعامة النٌاس .. عشان تشوف عضلات بطنك هتحتاج تنزٌل وِسطَك لـ 32 (بالكتيـر!) و متستغربش ! لو إحتجت إنٌك تِنزل لأواخـر العشرينات عشان تشوف عضلات بطنك كاملـة!

– – – – – – – – – – – – – – – – – – – – – – – – – – – – – – – – – – – – 

دي دهـون! مُش ترهٌـُلات دي دهـون! مُش ترهٌـُلات دي دهـون! مُش ترهٌـُلات

المـَزيد من الصـور للتوضيـح “دي دهون , مُش ترهٌـلات!” و المزيد من الدايت (مع التمرين بالأوزان) هو الحل و هو العـِلاج.

– – – – – – – – – – – – – – – – – – – – – – – – – – – – – – – – – – – – – – 

أمٌــا الـ Saggy Skin أو الجلد المُترهٌـِل الحقيقي, دي بقى قصة تانية! .. ودي بتحصل في سيناريوهات مُختلفة, مع ناس مثلاً لو كان وزنهم عالي بزيادة ونزلوا بسرعة (وبدون تمرين بالأوزان) وحصلٌهم ترهٌلات “جلدية” مُش ترهلٌات دهنية, أو حتٌى واحِد من ضمن الناس اللي كانوا بيسعوا لتحقيق فورمة الـ Bodybuilding و تكبير حجم الجسم خارج الحدود الطبيعية و فكٌر يرجع لطبيعته و نتايجه راحِت, الجلد ممكن جداً يتأثٌر في المرحلة دي لأنٌه كان مَمطوط مَطٌة غير طبيعية (لو واحِد ضَــرٌيــب يعني) وهكذا. وبشكل عام, الجلد المُترهٌل دة بيكون واضِح من كَرمَشتُه!, وممكن جداً واحِد يكون عنده Mix بين ترهُلات دُهنية (الدايت هو اللي هيحلٌها) و ترهُلات أو كَرمَشة جلدية (تحتاج زياة طبيب مُختصٌ).

– – – – – – – – – – – – – – – – – – – – – – – – – – – – – – – – – – – – – – – – – – – – 

دي ترٌهـُلات مع دهُــون دي فعلاً ترٌهـُلات دي فعلاً ترٌهـُلات دي فعلاً ترٌهـُلات

الصورة اللي على يمين على سبيل المثال بتوضٌح بنت عندها (جلد مُترهٌـِل + دهـون!), يعني Mix من ترهٌلات جلدية مع ترهٌلات دهنية .. يعني محتاجة تعمل “دايت” عشان تخِس و تحرق الدهون اللي عندها, ولكن واضِح إنٌ هيبقى عندها جِلد واقِع حتٌى بعد تصفية الجسم من الدهون و هنا هتحتاج زياة طبيب مُختـصٌ.

بقية الصور المُرفقة توضٌح فعلاً ناس جسمهم متقسٌم ومنهم الناشِف و المدفنِش و بنسبة دهون جسدية قليلة! .. وعلى الرُغم من دة كلٌه عندهم جِلد “واقـِع”, دة فعلاً اللي يُطلق عليه جلد مُترهٌل, لكن مينفعش واحِد يبقى عنده كيلوهات دهون في جسمه ويزعم إنٌها ترهٌلات!

بالنسبة لكتير جداً من الناس لو عملوا دايت لفترة كافية هيكتشفوا إنٌ دي كانت دهون و الجلد هيتفِرِد واحدة واحدة و هينشف كلٌما نزلت نسبة الدهون الجسدية (%), بس كتير بيتوقفٌوا عن الدايـت بَدري و مُش بيكملٌوا للآخـِر.

.. من الآخر .. الجلد المُترهٌـِل بيبقى واضِح عليه من كَرمَشتـُه!

انت محتاج حُقن !

لو انت وصلت للمرحلة دي يبقى انت في الغالب حاجة من الإتنين ..

.

(1) انت مش بتعرف تعمل دايت صَح ! أو بمعنى آخر, عملت دايت من غير ما تتمرٌن بالأوزان! (كما هو شائع مع معظم الناس), علشان كِدة انت خسٌيت ولكن جسمك حَرَق من الفريم العضلي للجسم بتاعك وانت بتعمل دايت (يعني خسٌيت أو خسٌيتي عَضَل!). وبالتالي الخسٌية بتاعتك مكنتش وزن “دهُـون” صافي! (نتيجة لعدم تمرينك بالأوزان) علشان كِدة وزنك على الميزان بقى أقل بالفِعل و جسمك يمكن بقى شكله أصغر ولكن من غير اللبس Still عندك ترهلٌات دهنية, ودة نتيجة لأن الحاجة اللي بتفرد الجلد و بتشِدٌ الجسم (الفريم العضلي) انتقص منه نتيجة لعدٌم تمرينك بالأوزان مع الدايت فالجسم ضحٌى بالكُتلة العضلية. وبما إنٌك مُش بتتمرٌن أو مُش بتتمرٌني بالأوزان على الدايت .. يبقى بالتالي مفيش سبب كافي للجسم إنٌه كان يحافظ على الفريم العضلي للجسم.

.. وانت بتعمل دايت .. التمرين بالأوزان هو ” الإشارة الوحيدة ! ” و النداء الوحيد للجسم للحفاظ على الكُتلة العضلية و الفريم العضلي من الخسَسان على الدايت!

وبالتالي أي حاجة هتخسٌها أو هتتحرق على الدايت هتبقى من وزن الدهون (ما حول الفريم العضلي).

(2) انت بتفكٌر دايماً في الحلول السريعة أو الـ Quick Fix !.

البشريين و الآدميين طول عمرهم هيفضلوا بيتخنوا و يخسٌوا عادي. لكن خلينا نتوقٌف للحظة ونسأل …

زمان لمٌا مكنش فيه حُقن أو Mesotherapy أو مُكمٌلات وغيرها من الحاجات اللي انتشرت في وقتنا الحالي وخلال الكام سنة اللي فاتوا دول, كان زمان الناس بيعملوا إيه لمٌا بيزيدوا ؟ -_- ! .. هل دي كانت النهاية و The End ؟

.. لأ طبعاً ! .. كان فيه “دايت”, كان فيه رياضة, كان فيه “تمرين”.

لو انت مُش بتعرف تعمل دايت صَح أو تتمرٌن صَح مع الدايت, حتى لو حَصَل وشُفت اي نتيجة من الأساليب اللي ذكرناها فوق. انت دايـمـاً! -ومع الأسف- هترجع للي كنت فيه من تاني و تالت و عاشر! .. ودة لأنٌك مغٌيرتش من اسلوبك و عاداتك. ودايماً نجاحاتك بالطريقة دي هتبقى Short-term و قصيرة المدى!

علشان كدة لو بتفكٌر تاخد مكمٌلات او مُستحضرات صيدلانية تساعدك, حتى لو حصل وشُفت نتيجة, هتروح منٌك مع توقٌف فلوسَك, كاشاتك, و تمويلَك! .. و فِكرة إنٌك تِفضَل تِصرِف دايماً علشان تعمل “شَكل جسمك” ولمٌا فلوسك تنقطع جسمك يبوظ, أكيد دة مش اسلوب حياة! و أكيد دي مُش عيشة x_x! .. علشان كِدة, اتعلٌم صَح! وامشي صَح! لأنٌك هتحتاج تعمل نفس الكلام للحفاظ على نتايجك مع مرور الوقت و التقدٌم في العُمر.

!

! Spot Reduction

خُرافة “الدايت” للـ تخسيس الموضعي

ناس كتير بيشتكوا من منطقة “مُعيٌنة” بعينها هي اللي مضايقاهم. كل واحد عنده منطقة ما لمٌا وزنه بيزيد الدهون بتتجمٌع فيها أكثر عن غيرها. وبالفِطرة و بالدماغ بيلجألوا إلى عمل تمارين بشكل Direct و مباشر لتقوية! العضلات في “المنطقة الملعونة” دي. ولكن دة مش هيؤدٌي إلى شيء غير تقوية العضلات في المنقطة دي (وممكن تبقى أكثر بروزاً نتيجة لتقويتها) وهتفضل متغطٌية بطبقات سميكة من الدهون مُش هتتحرق إلا عن طريق الدايت وتقليل الكالوريز.

إعرف إنٌه الـ Spot-Reduction أو التخسيس الموضعي عن طريق أداء تمارين مُباشرة لمنطقة زي البَطن مثلاً أو الأرداف (للإناث) هو أمر خارج عن تحكٌمك. كل اللي الواحد يقدر يعمله إنٌه يقلل الكالوريز اللي بياكلها عن طريق الدايت. مع التمرين بالأوزان بشكل عام للجسم 3 مرٌات في الإسبوع ويسيب الدايت مع مرور الوقت (الأسابيع و الشهور) يحرق من مختلف المناطق في جسمك لحَد ماجسمك يبقى شبه صافي ومفرود أو ناشف.

واعرف كمان إنٌه المنطقة اللي بتضٌايقك اكتر, هي في الغالب آخر منطقة هتتصفٌى الدهون منها في الجسم. يعني ممكن جسمك وانت بتعمل دايت في الأغلب يخس من مُعظَم أو كل المناطق لحد مافي النهاية تتبقٌى المنطقة دي بعينها الدهون مركزٌة فيها!, بس ساعتها هتشوف نتايج سريعة جداً في الدايت لأن شبه مبقاش فيه دهون في جسمك غير في المنطقة دي. ساعتها كُل نص كيلو و كيلو هتخسٌه هتشوفه بعينك بيختفي قدٌامك لأن نسبة دهون جسمك بقت قليلة وجسمك بقى صافي أكتر.

اترك تعليقك ..

عن دفنَشَة

دفنَشَة هو إتجاه حياتي شامل و فلسفة تسعى إلى التطوير الذاتي و الإرتقاء في مختلف جوانب الحياة مع الإحتفاظ بتبسيط الأمور و تيسيرها للجميع. يتخصص إتجاه دفنَشَة في الدايت و فقدان الوزن, البيزنيس, التسويق, السيكولوجي, و تبسيط هذه الجوانب المحورية التى تمس حياة كل شخص و الهام لكل شخص تطويرها على الصعيد الشخصي ليحظى بحياة هادِفة و شاملة الإرتقاء ذات تطور دائم. شعار دفنشة: التطوير الذاتي للشخص العادي .. التنمية الذاتية, للناس العادية :)

محتوى جديد.

تابعنا على السوشيال

داونلود مجاناً